МагӀалбика кхале дегӀайоалаяра де лерхӀачох дийцар
МагӀалбика кхален администраце мах оттабир кхале дегӀайоалаяра де лерхӀачун. Керттера терко тӀаяхийтар вахара-экономически дешашта.
«Шахьара дика хьалаш хьакхоллар» яхача къаман проекта чудоагӀаш, 2023 шера хержабар Кердача Редантера Бекбузаранаькъан цӀерах урам. 2024-ча шера укхаза асфальт биллар 800 метр, из урам цу кхален тоабаьрашта юкъе 15-гӀа бар. Иштта бахархоша хержар Заьзганаькъан–Юртара Центральни урам, 2025 шера тоабергба из», - аьлар хоамо.
Уж деррига балхаш гуш дар доал дара даькъ тӀарча кулгалхочо Къоастой Ӏаддал-Хьамида 2024 шера даьча балхах дувцаш яьча доклада тӀара.
Иштта белагалду, дӀадахача шера 13 километр совгӀа никъ тоабаьб; машинашта лелаш аттагӀа хилийтара, хьалдаь даьлар итта дийнахьа Ачалкх оалача хи тӀара тӀий.
Массахана дӀахьош ба СВО дезал хьаллацара болх- лаьттах йоал яла ца езаш уж мукъабоалийташ, царна материальни новкъостал деш йола программа дӀайихьай. Цунца цхьана, лаьтташ дийкъад бӀухошта, цар берашта ишколашка мах боацаш даар лоаттадаьд.
