МВД кулгал деча инарал-лейтенант волча Коробкин Михаила, кхетаче хьаеллаш, белгалдир кхоачашде дезарех дола лоархӀамедараш», - йоах тхогарча хоамо. Цигарча Ӏаьдала болхлоша укх шера дӀабихьача балхах, кхоачашдаьча декхарех дувцаш яр кхетаче. Аьттув баьннарех дувцаш, болхлоша теркалдир, 2024-ча шера тӀехьарча ийс бетта наркомани яхача зулама духьала къовсам лоаттабеча болхлоша 16, 5 кийла наркотик яха дохьаж гучадаьккха хилар. Иштта, гучаяьккха, йохаяьй наркотикаш, кхыйола корта бохабеш йола хӀамаш вай мехка хьачулоаттаеш хинна ворхӀ моттиг.

Экономикацара кхерамзлен хьал лорадеча болхлоша гучаяьккхай кхаъ бенна 71 моттиг, царна юкъера 29 моттиг зулам леладеш хинна тоабаш йохаеш я. Белгалде деза, Ӏаьдала болхлоша шоай декхараш дизза кхоачашдарах, зуламаш 17%-га кхоачаш лохденнилга. (-16,7%, 1681 хинначара 1401-га кхоачаш). Нах гуллуча деш хинна зуламаш 43,8%-га кхоачаш лохденнад, 12,1% - герзаца деш дола зуламаш, 21%-га кхоачаш лохденнад 18 шерга кхачанза бараш юкъе долаш деш хинна зуламаш, 15%-га кхоачаш- хьалха зулам даь хиннача наха деш дола зуламаш. Къаьстта йоккха терко тӀайохийташ дийцар, наькъашка хулача хатарех. Карарча хана мехка чоалхане латт наькъашкара хьал. Саг леш нийслуш дола наькъашкара хатараш 25% лохденнад (56-гара 42-га кхоачаш). МВД къахьегамхой болх лакхача боараме дӀагӀоргболаш, де дезарех дийцар йоккхача кхетаче. Цу оагӀон кулгалхочо белгалдир, республикера бахархой Ӏаьдала болхлоша мехкара хьал дикка тоадергхиларах тийша ба, аьнна.

«Полици болх беш йолга, цхьаккха зуламхо шийна доагӀачох кӀалхарваьнна дӀагӀоргвоацилга ховш, шоашта тӀакхаьчар цар нийсдергдолга гуш хила беза бахархой», - белгалдир цо. Коробкин Михаила иштта теркалдир, боаггӀача боараме болх дӀа ца хьош дисараш. Харцбаьннараш бехктокхаме оза аьнна тӀадиллар цо. ДӀахойодача хана дӀабахьа безача балхах дийцар. Шоашта тӀалатта декхараш бехктокхаме кхоачашдеш къахьийгача МВД болхлошта, доккха баркал кхайкадир Коробкин Михаила.