«Ӏалханчурта канала №3 йола атагӀа е хин кӀал ехка турба (дюкер) я 420,8 метр йӀаьха, 2500 мм герга. Из хин турба Ӏойиллай цига 1987 шера, цу хана денз 37 шу да цо хин Ӏалашо лоаттаю. Канал цунна чудоалача моттиге оттаяьй боарм оттабу шлюз, хин турба лаьттан тӀехнахьа гӀолла йода. Цигара хьал тохкаш массехк кхоачамбоацар гучадаьлар», - йоах хоамо.

Из лерттӀа болх беш хилар мел лоархӀаме да теркал а деш, комиссе лаьрхӀар из малагӀча хьале я хьажа, дӀахо хицара хьал кхераме хургдоацаш кийчо яра а, иштта юртбоахама балхаш леладерашта цахаддаш хий лоаттадара гӀулакх тешшаме хилийтара а.

ГӀулакх довзараша, теркам тӀабохийташ, Ӏомадир №7 йолча аьшка турбан хьал. Цо болх бу 1975 шера денз. Укхаза а корадир кхоачамбоацараш, царех дар, турба ийккха хий Ӏоухаш, мукхйиа хилар. ДӀахо цох де дезар комиссе хьадергда.