Шолжа йистош цӀенйир дешархоша
08.09.2025 09:34
ДӀадахача салоӀача деношка Илдарха-ГӀалан № 1 йолча ишкола хьинар дола дешархой бахар, моттигерча мэре новкъостал а деш, Шолжа хин йистош цӀенъе, яхаш, дийцар «Сердало» газетага ГӀалгӀай Республикерча «Хьалхарчар болама» бувзамех волча Налганаькъан Рамзана.
«Къахьегама шоатта дӀахьош хилара бахьан дар, гуйре тӀайоагӀаш хилар. Цу тайпара, цунца бала болча наха лаьрхӀар цу юкъе дакъа лаца, Ӏалам лорадар хьаллаца. Дика совгӀат хилар из болх вӀашагӀбелларашта, кхыча юрташка баха нах а цунна юстара цабисарах. Доакъашхоша гулйир 59 гали гаргга нувхаш. ДукхагӀа хинна нувхаш яр пакеташ, пластиках яь шушаш, тӀера каьхаташ, иштта гонахьарча Ӏалама новкъа йола кхы дукха хӀамаш», - аьлар хоамо.
