Тохкама комитета эпсараша бӀухой дӀабехка боахка моттигаш техкар
11.11.2025 15:40
ГӏалгӀай Республике гӀолла йолча Россе Тохкама комитета эпсараш «МагӀалбик», «Къона патриот» яхача тохкама тоабай волонтёрашца, МагӀалбика кхале тохкама болх дӀабихьар. Цар лехар 1942-1943 шерашка тӀом латташ байна бӀухой дӀабехка моттигаш, яхаш, дийцар «Сердало» газетага цу боахаме.
Болама доакъашхоша лаьрххӀача гIирсашца техкар нах дӀабехка моттигаш, царна корайир цу шерашкарча герза поатронаш. Уж дӀалургья музее.
Цу тайпара бувзам лелабаро хьагойт турпалхоех бола дагалоаттам лелабеш хилар, турпалча исторе оагӀонаш йиц ца еш хилар.
