Олимпиаде дотув даьккхачунна хетаяьча яхье котбаьннараш хьакхайкабир
ГӀалгӀай Республикан ший лоӀаме кӀалкхетаргах латарах йолча федераце хьакхайкайир Оалимпиде толашагӀчарех хиннача Кхоартой Калойна хетаяьча мехкашта юкъерча кхоалагӀча йийллача яхьашка котбаьннарий цӀераш.
Яхьашка «Магас» яхача спорта цӀагӀа гулвеннавар шоай гӀулакх дика довзаш вола 150 спортсмен. Цига дакъа лаца безам болаш, дехараш чуденнараш бар 11 мохк. Чаккхенга кхаьчача, гӀалгӀай спортсменашка хилар 7 дошо, 4 дото, 9 боарза майдилгаш», - яхаш хоам бу газетага яхьаш дӀайихьараша.
Къовсамий лакхарча лагӀа тӀа баьлар Лаьнанаькъан Ӏаьла (42 кг), Поаланкой Ӏалихан (45 кг), Гаракхой Адам (48 кг), СаьпарӀаланаькъан ИсмаӀал (55 кг), Чаненаькъан Заьлмаха (60 кг), Чергизанаькъан Ахьмад (71 кг), Муружанаькъан Ювназ (110 кг). ТолашагӀа йола моттигаш яьхараш белгалбаьхар котбаьннарий тӀехкарашца, кубкашца, майдилгашца, грамоташца, ахчан совгӀаташца.
