МагӀалбике 30 гаргга сийленг да, цига лаьтта тӀом дагабохийташ
МагӀалбик-Шахьар, сийдола турпалхой лийга моттиг белгалъеш; ткъаь итт гаргга вежарий кашамаш, сийленгаш, дагалоаттама моттигаш я карарча хана, яхаш, дийцар «Сердало» газетага цигарча администраце.
«Сийлахь-боккхача тӀема турпалхошта сийленг оттадар - из царна карагӀдаьнна турпала гӀулакх диц ца деш, цар сий деш хилар да.
Из вай шахьара йоакхо еш хилар, тӀехьа тӀадоагӀача ноахала дика масал гойтар, царна из турпалал диццадалийтар да. Гаьнадоалаш латт тӀема шераш, из тӀом дагабоагӀаш хинна нах а бисабац ала йиш йолаш да. Цудухьа сийленгаш латтаргда, уж вай кхувш йоагӀача тӀехьенна дусаргда, царна из дицлургдац », - аьлар хоамо.
МагӀалбика Ӏаьдало массахана терко лоаттаю сийленгаш дола моттигаш цӀена, лостам баь хилийтара: гонахьара йоархӀаш дӀайоахаш, кӀир тохаш, басараш хьокхаш, наькъа йистош цӀенъеш лелаю уж даим. Тахан республикан беррига бахархой доаккхал деш ба, Сийлахь-боккха Даьймехка тӀом лаьттача шерашкарча, МагӀалбик йоаккхаш лаьттача турпалхоех.
