Сага бокъонаш лораечо новкъостал дир, кхалсага пенси меттаоттаде
ГIалгIайчен сага бокъонех лораечунга дехар дир Сурхо тIа яхача кхалсага. Цо дийцар карарча шера тушола бетта, ший ха яьнна хиларца дувзаденна хьаийдеш хинна пенси соцадарах. Цунга баьча хоамо, хьалххе а пенсе яха бокъо йолаш яц из, аьннад. Цу гIалакха юкъеваха везаш хилар, мехка вахара наьха бокъонаш лорае декхарийлавар.
«Сага бокъонаш лораяра волча викала, из хьал техкачул тIехьагIа, лаьрххIа из хаттар дIадахьийтар Россе Вахара ганзе. ГIалакх дика къоастадаьчул тIехьагIа, иштта цу кхалсага деррига каьхаташ, цу юкъе болх баь хилара книжка лаьхIар, пенсионни Iалашонга юха хьажар духьа.
Бокъонаш лораер юкъеварах, ха яьнна пенсе яхара дола цу кхалсага ахча хьахьожадир карарча шера тушола бетта денз хьа ца луш лаьтта хинна 12 885 сом, цу тIа федеральни вахара тIехьара тIа луш дола 1 449 сом а долаш, пенсена Iо тIакхийттар 2025 шера доагIаш хиннар ФСД тушола беттагара тов бетта 30 денга кхаччалца дар»,-аьлар «Сердало» газетага ГIалгIай Республикерча УПЧ хоамий - аналитически даькъ тIа.
Сага бокъонех волча викалга гIолла наьха вахара бокъонаш лораяра болх пайдане хилар гуш да. Белгалду, ГIалгIай Республикан УПЧ сиха кхоачашду наьха хьашташ.
