Магаса бахархошцара сиха бувзам лоаттабеш лаьрххӀа моттиг хургья
Шахьарерча бувзамца ювзаенна мела моттигаш ма хулла сихагӀа юстаръяхара тӀехьа болх беш, бахархошца сиха бувзам лоаттабеш лаьрххӀа моттиг (чат) хургья. Из хоам «Сердалога» бир шахьара мэре.
«Шахьара даь декхараш кхоачашдеш вола Тиймарзанаькъан Муса, хӀама дӀаяздеш волча операторца, Магаса хьал тахка араваьлар. Деррига а камерца дӀаязде дагадехар царна. Шахьара моттигашка гӀолла лелаш, мэра теркалдир урамаш лостам болаш, буц дӀахьекха дий, реклама оагӀонца дувзаденнараш, иштта кхыдараш а. Къаьстта йоккха терко йир урамий хьал миштад хьожаш», - йоах тхогарча хоамо.
Шахьара дас теркалдир, футбола къоастадаьча доазон куц тоаде дезилга, наькъашка къоастам беш хьекха басараш дешара шу хьатӀаоттарца кердадаха дезилга, иштта кхыдараш а зийра хьакима.
Мэр, иштта цун гӀончаш бола лаьрххӀа чат вӀашагӀйолла лаьрхӀад шахьаре. Магасе нийсденнача кхоачамбоацарех хьакимашка ханнахьа хоам бе, уж маца юстардоахаргда тахка аьттув хургба бахархой.
