Гӏалгӏайчен хьем боаца штаб ден-бус ЖКХ даькъ тӏарча 11 дехарга хьежар
Гӏалгӏай Республикан чуйоагӏача хьем боацача штабо чаккхе йир, цхьан ден-бус ше баьча балха. Мехка бахархошкара денача 11 хаттара жоп дала таро хилар.
Штаба таьрахьаша хьагойтача хоамах, дукхагӏа дола дехараш (10 хоам) дувзаденна дар ток цахиларца. Цхьаькха дехар дар газаца дувзаденна, цу даькъ тӏара болх дика ца латташ хилар белгалдеш. Массадолча дехарий ларах, тӏехьа ца тотташ, лоаццача хана говзанчаша шоай болх дӏабихьар.
Белгалду, кердача шерца дувзаденна денош дӏахьош йолча хана, наджгоанцхой бетта 11-ча денга кхаччалца, болх беш хургья Лаьрххӏа йола штаб. Моллагӏа дола наьха дехар кхоачашдара болх вӏашагӏбеллаб. ӏаьдало тӏахьех нах, шоашта моллагӏа дола коммунальни вахарца дувзаденна гIулакх нийсделча, укх бувзамга гӏолла цох хоам бара:
-112 – цаӏ йола сихача гIулакха номер;
- 8 (8734) 55-14-23, 8 (928) 698-22-77- сихача гIон штаб:
- Таронаш лораяра йолча моттигашта чудоагӏа диспетчерски гIулакхаш.
