Ӏан чемпионата 11-ча бӀала толашагӀа волча футболиста цӀи белгалйир
25.12.2024 11:04
Ветеранашта юкъерча Ӏан чемпионата 11-ча бӀала толашагӀа волча футболиста цӀи яьккхар республике.
«Заводера ветеранаш» яхача тоабанна хьалхалатта Дзейтанаькъан Ислам ва белгалваьннар. Республикерча футболах йолча федерацен зарбан болх лелабераша «Сердало» газетага дийцачох, «ГӀалгӀайчера МВД», «Заводера ветеранаш» яхача тоабашта юкъера ловзар (9:3) йолаш чакхдаьлар. 11-гӀа бӀал дӀахьош, начӀал дола футболист ше волга хьагойтар Дзейтанаькъан Ислама.
Кхо бургац чутехар цо, кхы а шиъ чутоха гӀо дир новкъосташта. ДӀахойодача хана уж ловзаргба «Беркут» яхача тоабанца.
