ГӀалгӀай мехка белгалйир «Бекарга беттара дикагӀа йола хьехамча»
ГӀалгӀайче белгалйир «Бекарга беттара дикагӀа йола хьехамча». Из толам баьккхар Наьсарен №15 йолча ишкола болхлочо Кхоартой Фатимас, яхаш, дийцар «Сердало» газетага «Бералла наькъаш» яхача Ерригроссийски проекта зарбан болх лелабераша.
АргӀанара толам баккхарах, Кхоартой Фатимайна баркал оалаш, каьхат делар, дикал лакха йола кхетам балара болх цо берашца дӀабахьарах, дешара шийгара мах баь варгвоаца дакъа юкъедарах», - аьлар хоамо.
Саламхана Фатимас дӀабахача бетта дукха кхетам балара балхаш дӀадихьар. Цо вӀашагӀделлар ЛаьрххӀача операце доакъашхо Новразанаькъан Ӏаьлий дешархошцара вӀашагӀкхетар. Цул совгӀа, цо дакъа лаьцар, ше доал дерашца цхьана, «ХӀаранена вола хьехамча» яхача Ерригроссийски боламе. Къаьстта берашта хоза хийттарех яр «Магас» телерадиокомпане гӀолла яь хинна экскурси, иштта уж хилар «Коталон цӀерамашин» яхача дӀа-юха лелаш йолча музее, из болх вӀашагӀбеллар яр хьехархо.
Цул совгӀа, цо доккха дакъа дӀалаьцар моттигерча классай кулгалхой кхетачен юкъе.
«Бералла наькъаш» яхача тоабо даькъалаювц Фатима, дешархошца дӀахьоча балха тӀа лакха толамаш доахаш дӀахо а из дӀаяхар ловш.
