Дешархошта юкъера дикагӏа йола баскетбола тоабаш белгалъяьлар
Дӏадахача салоӏача деношка, Йовлой Берда цӏерагӏча «Магас» спорта Цӏагӏа дикагӏа йола дешархошта юкъера баскетбола тоабаш белгалйир. «Локобаскет» дешара баскетбольни лига толамхошта кубкаш, грамоташ елар, яхаш, дийцар «Сердало» газетага Гӏалгӏай Республикан спорта Министерствон зарбан болх лелабераша.
Яхьаш дӏахьош, дикагӏа ловзараш гуш хилар. Цига котъяьлар Илдарха-Гӏалан №3 йолча ишкола тоаба. Шоллагӏа моттиг яьккхар Магӏалбик-Шахьара №3 йолча юкъерча ишколо. Кхоалагӏа моттиг яьккхар Наьсарен-Шахьара №15 йолча юкъерча ишколо.
Йиӏигашта юкъе дикагӏа ловзарех хилар Магӏалбика №3 йолча юкъерча ишколера йиӏигаш. Шоллагӏча моттиге яр №1 йола Наьсарен-Шахьара гимнази. Кхоалагӏа моттиг Магас-Шахьара №1 йолча Лицея-берий бешо яьккхар.
Белгалду, Гӏалгӏай Республикан спорта министра гӏончаша Султиганаькъан Тӏахӏира, иштта Йовлой ӏадсалама, «Магас» спорта Цӏен кулгалхочун декхараш кхоачашдеш волча Тимирканаькъан Джамбулата дӏайихьар совгӏаташ далара оагӏув.
