НачӀал дола къона ашархой хоржаш ба мехка
17.06.2025 10:18
Театра, кинон, цу оагӀонца дувзаденнарех йолча Магасерча моттиго республикерча культуран гӀулакхех йолча министерствоца вӀашагӀъеллай, «ГӀалгӀайчера къона оазаш» яха начӀал дола къонабараш гучабоаха яхь. Из хоам «Сердалога» бир ЦТКиКИ.
«Берий театре дӀахьоргья яхьаш укх байта 24-ча дийнахьа нийсса кхо сахьат даьлча. Цу юкъе да 15 шерга кхачанза дола бераш, боккхийбараш, тайп-тайпарча ашарий гӀирсашцара говзал яраш», - дийцар тха газетага.
«Вай регионера тайп-тайпарча оагӀонашца начӀал дола бераш, кагирхой гучабахара тӀехьа лоархӀаме я из яхь», - аьлар ЦТКиКИ кулгал деча Дзортанаькъан Мадинас. Хьалха тха газетага гӀолла хоам баьбар, толашагӀбарашта совгӀаташ дала лаьрхӀад аьнна.
