Республикан кулгалхочун стипенди доагIарашта кепа техар
28.01.2025 09:11
Мехка чIоагIйир, республикан Кулгалхочун стипенди доагIача студентий цIераш. Царна юкъевоагIа 130 саг.
2024 шера оагIой бетта, ГIалгIайчен Кулгалхочо арадаьккхача амарах, вай мехка из стипенди ийдеш хургболча студентий, аспирантий цIераш чIоагIйир, уж ба мехка лакхарча дешара моттигашка багIараш. Стипенди луш да 2024-2025 дешара шера.
ИнгГУ, И.М. Сеченова цIерагIа МГМУ, Н.Э. Баумана цIерагIа МГТУ, СГПИ, ДГУ, РАНХ а ГС, иштта кхыйола дешара моттигаш я уж.
