«Республикан прокуратура, кхааш ийдара духьала болх дIахьош, бокъонаш телхаеш моттиг йий хьежар. Цига белгалдаьлар, «Орбита» яха ООО хьаллоацаш, республикански адвокатий коллеге адвоката, «ГIалгIай Республикан паччахьалкхен экспертиза урхаллен» ГАУ кулгалхочоа 50 000 сом кхаъ бенна хилар.

Из кхаъ балар бахьан дар, Эбарга-Юрта хьалъеш йолча берий бешара гIишлон хьал дика да, аьнна, каьхат сихагIа арадаккхийтар», - йоах хоамо.

Республикан прокурора, юридически сага духьала уголовни гIулакх хьадийллар, административни бокъонаш телхаяь хиларах 1 д. 9.28 с. РФ КоАПаца доагIаш ма хиллара. Цу тайпара, OOO «Орбита» бехктокхаме оттаяьй, 500 000 сом гIод такха.

Кхаъ баларах, хьаэцарах дола гIулакх тохкаш да.