Боккхача дезалашкарча берашта, салоӀаргдола хьалаш кхеллар
09.10.2024 10:48
Боккхача дезалашкара бераш салаӀа дахийта вӀаштӀехьадаьккхар Магасерча культурах, спортах, туризмах йолча моттиго. Из хоам «Сердалога» бир цу моттига зарбан болх лелабераша.
«Экскурсен юкъе хиннача берашта яйзар керда моттигаш, шахьара истори. Гольф-кар оалача токацарча машинаца дӀа-хьа кхийлар бераш. Дунен тӀа эггара лакхагӀа йолча музее хилар уж. Белгалде деза, деррига бераш цу гӀала чу эггара хьалха чудаьнна хилир. Экскурси йистейоалаш, мерза кхача кийчбаьбар царна», - дийцар тха газетага.
