Гӏишлошцара мониторинг, инвентаризаци дӏахьош ба мехка
Доалахьарча хӏамах йолча Министерстве дӏайихьача кхетаче дийцар цхьаккха тайпара пайда эцаш доацача хӏамай инвентаризацех. Из хоам бир Наьсаренн кхален телеграм- оагӏонга гӏолла. Цу гӏулакхах лаьца къамаьл даьр вар паччахьалкхен доалахьа долча хӏаман доал дарах болча оагӏон кулгалдеш вола Чахкенаькъан Х.
«Кхетаче къаьстта йоккха терко тӏайохийташ дийцар, мехка цхьаккха тайпара болх дӏахьош йоацаш, кхоачамбоацараш долаш латта моттигаш гучайоахаш болх дӏабахьарах», - йоах тхога бенача хоамо.
Цу оагӏонца дӏабихьача тохкамо гучаяьхар цхьаккха пайда беш йоаца пхи гӏишло. Экономически хьал тоадара тӏехьа, йолаялийта хила еза уж моттигаш. Хьалъяь чакхъяланза йола гӏишлош я ювцараш – «Совъяьнна чӏоагӏа нувхаш чакхйоахаш йола завод», Илдарха-Гӏалий тӏара «Керамзита завод».
Иштта цу юкъе чуйодаш я цу шахьарера картонажни фабрика, «Гиперпресс» яха кирпишк ю завод, хьалха хинна ГУП «Зӏамига низ бола токацара оатхалаш арахецаш йола Наьсарера завод» (НЗЭММ).
Боаггӏача боараме цу моттигашка болх байтаро вай мехка боккха пайда бергба. Республикан экономически хьал тоадарах бола цу оагӏонцара болх тӏатеӏӏа дӏахьоргболаш ба дӏахо а.
