«Коталон цӀермашин» яха дӀа-хьа лелаш бола гойтам хьабелларгба мехка
Укх бетта 5-ча, 6-ча деношка дунен тӀа эггара хьалхарча «Коталон цӀермашин» яхача, Сийлахь-боккхача Даьймехка тӀема котало яьккха 80 шу дизара хетабаьча дӀа-хьа лелача гойтаме дакъа лоацаш хургба бахархой. Наьсарерча цӀермашина вокзале латтаргба гойтам. Хьалххе проекта сайта тӀа дӀаязвенначун мах бала ца безаш дакъа лаца аьттув ба цига. Из хоам бу «Сердало» газета корреспондентага.
«ТӀема исторех дувцаш йолча итт вагонах латт чархаш тӀара «Коталон цӀермашин» яха музей. Геттара лоархӀаме гӀулакх да из ветеранашцара бувзам, царех дукхагӀбараш дийна цахиларах, кхувш латтача тӀехьенна», - йоах хоамо. ГӀалгӀай къамо моастагӀа вохавеча доккха дакъа лаьцалга хайт цу гӀулакхо.
21 000 эзар совгӀа вай къаман бӀухой фашист эккхавеш лаьттаб, 6000 совгӀа царех цӀенах кхийттавац. Иштта исторе боккхача лерхӀамца дувцаш да МагӀалбико фашизм йохаеча лаьцача даькъах, бӀухошта мел эшачунга хьожаш гӀо дарах.
«Коталон цӀермашин» яхача гойтамо дукха хӀама довзийтаргда тӀема бирсача, лирача деноех.
