ГӏалгӀай мехка хьаелларгья, «Цӏай-Лоам» яха толашагӀа йола отель
ГӏалгӀайчен 2000 метр лакхача моттиге 2026 шера хьаелларгья; керда, толашагӀа йола «Цӏай-Лоам» яха отель. Из хьаелларо мехка туристически оагӀув дегӀайоалаяра дикка дакъа дӀалоацаргда, яхаш, дийцар ГӏалгӀай Республикан Кулгалхочун, Паччахьалкхен зарбан болх лелабераша.
Тӏехьа тӀайоагӀача тӀехьенга кхайкарал деш йола поатрон дӀаеллар мехка кулгалхочо Келаматанаькъан Махьмуд-Ӏаьлас, Татрий мехка кулгалхочо Минниханов Рустама, Овшанаькъан Руслана цхьана.
Миннихановс аьлар, республикан лоархӀаме йола из гӀишло хьаеллача ше воагӀаргва. Укхаза туристически наькъа такилгаш да, кхачан моттигаш, инженерни оагӀув я.
«Цӏай-Лоам» республикан жовхьар хургда, цо тӀаозаргба туристаш ший хозалца, иштта хьакхолларгья бахархошта 100 балха моттиг», - аьлар Мехкадас.
Йолаш йолча таронаш тӀа тӀакхетаргда дӀа-юха лелара дола наькъаш, цу юкъе фецара, иштта цӀермашинийдараш. Цул совгӀа, Жӏайрахьа кхале хьакхолларгья зӀамига цӀалгаш дагӀа 20 моттиг. Цо таро лургья туристаш дукхагӀа хилийта, республикан бюджет тоае.
Келаматанаькъан Махьмуд-Ӏаьлас баркал аьлар Пхьарчанаькъан Ӏалаудина, цо тӀатехар, из моттиг республикан дукхача наха а иштта хьаьшашта а езаеннарех хилар.
