Кхеран тӀа йоазув ду студи хьайийллар вайцига
ГӀалгӀайчен моттигерча Ерригроссийски бӀаргса доацарий юкъарлоно керда вахара проект дӀайолайир, «Графит» кхеран тӀа йоазув дара студи хьаеш. Из хьайийллар, йолаш йолча «Малх» яхача топпарах гӀирсаш деча пхьоалле. ЛаьрххӀа из студи хьаеллаш гулбир бӀарзабараш, дика хӀама цагураш, ГӀалгӀайчен Халкъа Гуллама, Юкъарлон палатан, мехка кагирхой гӀулакхех йолча Комитета викалаш, иштта тайп-тайпарча коммерчески йоацача организацей кулгалхой.
«Графита» студи лаьрхӀа я балха моттигаш хьакхолла, цига бӀарзабараш, дика хӀама гуш боацараш къахьегаш хургболаш, цар шоай кхоллама таронаш маьхалъяха йиш хургйолаш цу искусстве.
Студе доакъашхой иштта таро я кхеран тӀа йоазув де Ӏомабала, шоай говзал дегӀайоалае. Из проект лаьрхӀа я могашал йоацача наьха балха оагӀув меттаоттаяра, царна дукхагӀа цу тӀехьа таронаш ялара», - аьлар «Сердало» газетага из болх вӀашагӀбеллараша.
Дика хьал хьакхолларах, могашал яйнача наьха дикагӀа наха юкъе хила, шоашта хетар ала, из маьхалдаккха йиш я. «Графит» студи хьаеллар - цхьаькха гӀа ба, бӀаргашта дика хӀама ца гуш болча наха шоай кхоллама наькъ тӀа боаккхаш бола. Цу кердача таронаша хьагойт, искусство кийча хилар ший оагӀув хӀара сага хьаелла.
