«Саг. Дуне. Космос» яха гойтам хьабийллар вайцига
12.04.2024 23:08
Авиаце а космонавтикан а ди долаш, ГӀалгӀайчен Мемориала гӀишлош йолча; «Саг. Дуне. Космос» яха суртий а каьхатий а гойтам хьабийллар. Цига къаьгга го йиш я гӀалгӀайчен Ӏилманхоша, инженераша советски космонавтика дегӀайоалаеш малагӀа дакъа юкъедихьад.
Гойтамга хьажа баьхкарашта довзаргда, авиаце ракетно-космически даькъ тӀа ГӀалгӀайчено малагӀа дакъа лаьцад. Цу космически даькъ тӀа дика къахьийгад гӀалгӀай Ӏилманхоша, инженераша Марзенаькъан У., Малсаганаькъан М.», - аьлар «Сердало» газетага гойтам вӀашагӀбеллараша.
Цига иштта го йиш я цӀихезача лётчикех Ӏоахарганаькъан Рашид-Беках, Малсаганаькъан Ахьмадах, Къоастой Ширванех, Оздой Мурадах, Осканаькъан Сулумбиках дола тешалаш, уж шоай балха боккъонца бола турпалхой хилар.
