«Акха дивизи» яха гойтам хьабийллар вай мехка
Мехкахбаьха хиннача наьха мемориальни комплексе дӀахьош ба «Акха дивизи» яха гойтам. Из хетабаьб, Хьалхара дунен тӀом лаьттача шерашка, тӀема аренашка лакха майрал гойташ хиннача Кавказерча дошлой туземни дивизе 110 шу дизара.
«Гойтамга хьажа баьхкарашта гургда «Акха дивизен» истори довзийташ дола каьхаташ, сурташ, иштта кхыдараш. Тайп-тайпарча ханашка Россе архива ганзашкара, иштта нахагара гулдаь лоархӀаме каьхаташ да уж.
Вай селханара истори довза безам барашта тамашийна хетаргдолаш хӀамаш да уж», - дийцар «Сердалога» гойтам хьабийллараша. 1914-ча шера ахкан тӀехьарча бетта 20-ча дийнахьа вӀашагӀъеллача «Акхача дивизен» доакъашхой турпала гӀулакхех дувцаш бола гойтам ер бутт йистебаллалца латтаргба.
Шоай къаман истори тахка безам болча кагирхой аьттув ба цига Пушкина картага гӀолла баха.
