«Тха гойтамга хьажа веначунна бовзаргба Донбасса экономически, политически, культурни лоархӀам, Даьхен исторена цо юкъедена дакъа»,-аьлар «Сердало» газетага Мемориальни комплекса музее. Белгалдаккха дезаш да, цу йоккхача гойтама проекто ма ярра йовзийт Донбасс. Укхаза го йиш я мехка истори, цун дегӀаахар, иштта гойта оттаяьй революцен, тӀема ханаш. Цул совгIа, бовза йиш я Донбасс лораеш дӀахьош йолча лаьрххӀача операцен тӀом, таханарча хана латташ дола хьал, иштта цун дегӀаяра йола таронаш.