Къаман хьалхарча литературан критика 90 шу дизара хетабаь гойтам
02.07.2024 11:23
ГӀалгӀай литературан эггара хьалхара критик хиннача Къоастой Ӏусмана Ӏалихана хетабаь гойтам дӀахьоргба къаман библиотеке. 90 шу доалача критика вахара никъ, кхоллам бовзаргба бахархошта библиотеке.
«Къоастой Ӏалихан ваьхав лакха начӀал дола литературан критик, йоазонхо, литературовед волаш. Вай къаман исбахьален йоазош, историографи кхоллача доккха дакъа лаьца ва из.
«Цун философи массахана тешаме хиннай! Цох виза вала ца могаш, йӀаьхий я из. Сага дог санна йӀаьхий. ЧӀоагӀа дега тоам хул цун йоазош дешаш, тохкаш», - язду йоазонхочо Пациенко Геннаде», - дийцар «Сердало» газетага къаман библиотеке.
Ер бутт чакхбаллалца латтаргболча гойтаме, довза йиш я цун къахьегама вахарера дуккхадараш.
