ГӀалгӀай мехка хьабийллар «Са да» яха гойтам
15.10.2024 15:39
Ер кӀира чакхдоалаш хургдола Даь ди дездеш, «Даьхен лорбой» яхача ганза гӀалгӀай филиало кийчбир «Са да» яха гойтам, яхаш, хоам бу «Сердало» газетага цигарча зарбан болх лелабераша.
«Культуран гойтаме да ЛаьрххӀа йола тӀема операци дӀахьош болча доакъашхой, ветераний сурташ, иштта дезалий архивашкара сурташ. Денал долча бӀухой сурташ ганзаца декъа раьза хилар цар дезалаш, даьй.
Цу гойтама хӀара даькъ тӀа го йиш я, шоай Даьхе езаш, цунна хьалхара шоай са Ӏодилла кийча болаш уж хилар», - аьлар ганза филиала психолога Буружанаькъан Мадинас.
Къамаьл даьчо яхачох, гойтама зале безаме из дӀахьош хилар хоалуш дар, салоӀаш йола ха цхьана дӀахьош хилар хьагойташ долча бӀухой сурташа салоӀам бора наха.
