«Массанена доладалар луш йола професси» яха гойтам хьабийллар
02.11.2023 14:22
ГӀалгӀайчен къам мехкахдаккхарах болча дагалоаттама Мемориала музея болхлоша «Массанена доладалар луш йола професси» яхача гойтамга хьажа вех шевар,из хетабаьб хьехархочун, хьехамчан шера. Гойтам дӀахьоргба лайчилла бетта 10-ча денга кхаччалца, мехка бахархой, хьаьший таро хургья Россе а ГӀалгӀайчен а дикагӀа бола хьехархой бовза.
«Президента Путин В.В. амарах, 2023 шу Россе хьакхайкадаьд; хьехархочун, хьехамчан шу да, аьнна. Цунна чудоагӀа хьехархочун, хьехамчан болх боггӀача лагӀатӀа оттабар. Цунца дувзаденна, къам мехкахдаккхара дагалоаттама музея болхлоша хьабийллаб «Массанена доладалар луш йола професси» яха гойтам. Цига веначунна таро хургья, Россе а ГӀалгӀайчен а дешара, кхетам балара даькъе дикагӀа болча хьехархой цӀераш йовза, иштта хаттарий-суртий материалаш, белггалара чулоацам бола исбахьален литература довза», - аьлар «Сердало» газетага из болх вӀашагӀбеллараша.
