«Кавказа лоамаш сона хьамсара да» яха гойтам хьабийллар
27.12.2024 09:29
Вай къам мехкахдаккхарах болча дагалоаттама хетаяьча Наьсарерча Мемориале «Кавказа лоамаш сона хьамсара да» яха, прозаика а, драматурга а, поэта а Лермонтов Михаила хетабаь гойтам хьабийллар, яхаш, дийцар «Сердало» газетага ГӀалгӀай Республикан культуран Министерстве.
«Мехка бахархой таро хилар, Лермонтов Михаила Кавказах язъяь тамашийна литературан экспонаташ го, уж язъяр бахьан долаш Николай Ӏ оалача императора амарах из мехкахваьккхар.
Цига гойта оттаяьча хӀамаех кхетаде хала дац, Кавказ а цун нах а мел лоархӀаме хиннаб», - йоах хоамо.
Белгалду, из болх дӀахьош ба; Мемориало Пензенски областерча «Тарханы» яхача Лермонтова музейца- заповедникаца айхха бувзам лелабеш хиларах.
