«Иштта йола моттиг геттара лоархӀаме я, дикача гӀулакхашка кхача гӀертача кагирхой сакхетама. Вай гӀо деш лелараш, шоай декхараш бехктокхаме, дизза кхоачашдеш бола кагирхой ба.

Къамашта юкъерча дуккхача проекташка дакъа лоацаш, уж йоаржаеш къахьег цар тахан», - белгалдир вай мехкадас Келаматанаькъан Махьмуд-Ӏаьлас, кагирхошта хьалхашка латтача декхарех дувцаш. Мехка кулгалхочо тӀатехар, из гӀулакх дӀахойодача хана а, хьинаре хьаллоацаш, наьха сакхетама, вахара оагӀонашта цох боккха пайда боалилга теркалдеш, вӀаший гӀо де гӀертача наьха хам беш, дӀахьо дезилга.

Массахана лакха лоархӀаш хьаденад, кагирхой боккхагӀчарна, гӀо эшарашта новкъостал деш хилар, низ дӀа ма кхоачча вӀаший оагӀув хьаллоацаш хилар; вай къаман беркатеча, сийдолча Ӏадатех хиннад.