«Цу аргӀанарча проекте дакъа лоацаш хилар Россе 175 саг. ГӀалгӀай Республикан кагирхой политикани туризмаи министра Малсаганаькъан Адама дийцар хьалхарча ах шера  керда хьакхеллача боахаме шоаш дӀабихьача балхах, даьхача толамех. Добро.рф цхьанкхетара кулгалхочо Богданов Кирилла белгалдир, ГӀалгӀайчен кагирхой, Кавказе эггара хьинар долаш хилар», - аьлар тхоца къамаьл даьчо.

«Хьалхарчар Болам» яхача моттигерча совета кулгалхочун гӀонча волча Пхьошанаькъан   Зоврбика яхачох, тахан дӀахьош йола кхетаче дукхача шерашка хьалхалаьттараша баьча балха чаккхе я, царна карагӀдаьлар шоаш санна бола, хувцамаш дара тӀехьалатта, нах вӀашагӀтоха, республикан кагирхой болам дегӀабоалабе.

«ГӀалгӀай Республикан кулгалхой а берригача кагирхой а цӀерагӀа, аз даькъалабувц оаш бена никъ. «Ноахал 18-35» яхача кхетче керттера да, цун низ волонтерашца хилар.

Кердадараш хьаэца, шоайла довзаш хила, шоай истори хьакхолла», - аьлар доакъашхошка Абукара Адама.