Ша а тохаш, доккхий догӀаш хила тарлу вайцига
10.06.2024 09:57
ГӀалгӀайче, йӀовхал эттачул тӀехьагӀа, ша а тохаш, ди а къувкъаш, йоачан хила мегаш я, тӀехьа тӀадоагӀача шин дийнахьа, яхаш, дийцар «Сердало» газетага моттигерча МЧС.
«Ер ди-бийса чакхдалале, аьтинга бетта 11-ча денгара 12-ча денга кхаччалца, доккхий догӀаш латт, тӀоа а сегаш, ди а къувкъаш, ша а тохаш, 20-25 метр секунда мух а хьекхаш», - йоах МЧСа хьабайтача хоамо.
Цул совгӀа, дукха доацаш хиш а айдала тарлуш да, цунга хьежжа, лоамашкарча Ӏалама хьал а хувцалургда.
Цу юкъе, дукхагӀа бахархошта дагадоаллар ша тохар да, хӀана аьлча наьха бешамашта, цхьайолча гӀишлошта зе дар кхерам ба.
