Республикан байракх чӀоагӀъяь 25 шу дизар дездеш ба мехка
![Республикан байракх чӀоагӀъяь 25 шу дизар дездеш ба мехка](http://serdalo.ru/storage/5ALJBnvQ5A00JvUYRc8Topi7mH19bk9CbFiXxenQ.jpg)
ГӀалгӀай къаман байракх чӀоагӀъяь 25 шу дизар дездеш ба тахан республике. Из хоам «Сердалога» бир Мехкадаь зарбан болх лелабераша.
«Паччахьалкхен байракх массахана еза лоархӀаш, наьха дегаш ураоттадеш хиннай. Политикаца, спортаца ювзаеннача кхетаченашка; Россе, ГӀалгӀай мехкий байракхаш лакха аййийя болхаш хул вай мехкахой. Эверестера Ӏоболабенна, эггара лакхагӀа долча лоамий бовхьаш тӀа увттаяьй вай байракх цун сий довзараша», - белгалдир вай мехкадас Келаматанаькъан Махьмуд-Ӏаьлас, цун дозалах дувцаш.
Теркалде деза, къаьстта вай байракх, дерригача дунен мехкий байракхашта юкъе, ший къаман наьха вахар, оамал гойташ хиларах хоалуш йолга. Мехкадас белгалдир, къаман байракх хӀара сага дег чу боча, лакха лерхӀам беш хила езилга.
Иразе, маьрша, беркатаца баха даькъалабийцар республикан Кулгалхочо мехкахой! Массайолча моттигашка ГӀалгӀайчен байракх лакха айяь йолаш, воай хӀаман сий деш, дӀачакхдовлда вай!