ИнгГУ хьехархочун толам безбир мехка
«Таьрахьашцарча дешара гӀулакхаца дувзаденнараш» - иштта цӀи тиллар ИнгГУ «Агрономи, МСХ» кафедра хьехархо волча Дзормотанаькъан Султана ше вӀашагӀбеллача балхах. Университета зарбан болх лелабераша белгалдечох, цун болх юкъебихьаб дешара даькъерча кердачари технологейи гӀулакхех йолча Къаман реестра (РИМИТРО).
«РФ Ӏилман гӀулакхехи лакхарча дешареи Министерствос, МОО «Лакхерча Ишкола хьехархой Лиго» хьаллаьцад из гӀулакх. Федеральни оагӀонца лоархӀаме моттиг дӀалоацаш да таьрахьашцарча дешарах дола дакъа», - белгалдир мехкарча кертерча вузе.
Вайна массанена тоам беш да из аьттув вай мехкахочун балар. Дукха ха йоацаш дикача оагӀорахьа белгалбаьлар вай хургбола лораш, хӀаьта тахан дешара оагӀонца дикахетар хиннад вайна. Дагадох, эггара хьалхарча гӀалгӀай Президента аьнна дешаш: «ГӀалгӀайче, дӀахьалха гӀо!»
