Кхоллама, кердача технологей дено таро елар берашта, лакхе белгалъяь оагӀонаш йовза, яхаш, дийцар «Сердало» газетага юкъарча дешара моттига болхлоша.

«Из дӀахьош хиларах, ишкола куц-сибат хийца яр цу дийнахьа. Бераша гойтар цу кхоллама даькъ тӀа шоашта карагӀдоалар, вӀашагӀъехкар тайп-тайпара яхьаш.

Говзанч-хьехамашка дакъа лоацаш хиларах, зӀамигача бераша дегӀадоаладир шоашта ховш дар, керда технологеш юкъе а йоахаш», - йоах хоамо.

Белгалдаккха дезаш да, 2024 шера саькура бетта ГӀалгӀайчен столице хьайийллай Къилбаседа Кавказа федеральни даькъ тӀара «Ишкол-21».

Таьрахьий дегӀаахара академе Ӏомабу лакха говзал йола ИТ-инженераш, ИТ-проекта менеджераш, аналитикаш, иштта технически оагӀон викалаш. Цо йиш хилийтар, республикан технически таронаш совъяха.