ДогӀо дохадаь наькъаш тоадергда республике
09.09.2024 12:25
МагӀалбика кхалерча цхьайолча моттигашта зе деш хилар, укх деношка лаьтта догӀаш. Йоккхача, Юкъерча Ачалкхенашкара наькъаш дикка къахьега дезаш толхадаьд. Администрацера хьакимаш арабаьлар из гӀулакх тахка.
«Ма хулла сихагӀа дохадаь наькъаш тоаде, аьнна, тӀадиллар МагӀалбика кхален администрацена кулгал деча Къоастой Ӏаддал-Хьамида. Наькъаш тоаде дӀаболалургба кхоана. Кхален чуйоагӀаш мел йолча юрташка дӀахьоргба из болх», - дийцар «Сердало» газетага администраце зарбан болх лелабераша.
Кхален кулгалхочо, ше тӀахьожам беш, чакхдоаккхаргда из гӀулакх.
