Республике цӏи ялара кхерам лакха ба
24.11.2025 12:08
Гаргарча шин дийнахьа республикан доазон тӏа цӏи ялара кхерам лакха ба (4 класс). Цунца дувзаденна Гӏалгӏайчен МЧСа тӏахьех бахархой фийла хилара, иштта лорабалара.
«Ма йита моттигашка дӏайоаянза цӏи, цӀилеторгаш, гӏаьлен юхкаш. Цӏераш ма йоагае хьунагӏа. Екъа йоархӏаш ма летае, дӏайоаянза гӏаьлен юхк ӏо ма кхосса. Хьунагӏа машинашца е мотоциклашца чу ма довла, хӏана аьлча цар глушителех хьабоала сийг бахьан цӏи яла тарлу екъача хьунагӏа. Моллагӏа эккхаргбола, цӏи лотаяла тарлуш бола гӏирс хьунагӏа ма бита», - яхаш, хьалхадоах бахархошта цӏи ялара кхерамзлен хьал».
