Аьхки дувхаду барзкъа Ӏалашдир палестинерча наха
03.07.2024 10:16
Ахкан хана, гурахьа дӀадувха барзкъа Ӏалашдир «Тешам» яхача гӀо деш йолча ганзо, палестинера бехача мискашта. Из хоам «Сердалога» бир цу моттигерча зарбан болх лелабераша.
«Хадра Хани дезала да дукхача халонех чакхваьннав. Жугтий зуламхоех кӀалхарваьнна, ший цӀен-наьнаца, пхе бераца, найцаца Москве кхаьчар из, цул тӀехьагӀа вай мехка хилар цар сацар.
«Тешам» яхача ганзаца гӀо деш лелараш оарцагӀбаьлар цар гӀулакхага хьажа. Боккхийбарашта, берашта лаьрхӀа барзкъаш, маьчеш ийцар цар», - йоах тхогарча хоамо.
