Турпала парта хьайийллар ишколе
08.10.2024 10:03
Илдарха-ГӀалий тӀарча № 4 йолча юкъерча ишколе, тӀема операце доакъашхочун цӀерах турпала парта хьаеллаш, лоархӀаме кхетаче дӀайихьар. Из хоам «Сердалога» бир «Даьхен лорбой» яхача ганза филиале.
Лакха майрал, денал гойташ лаьттар тӀема операцен юкъе лейтенант вола Овшанаькъан Ильяс. 2022-ча шера саькура бетта вахар хаьдар вай къаман виззача къонахчун. Цун цӀерах турпала парта хьаеллача дакъа лоацаш бар цун гаргара нах, иштта тӀема новкъостий Каренаькъан Акроман, Хамхой Ислам, Эбиташвили Абибо, Хамхой ИбрахӀим, Мухлой Микаил», - йоах тхогарча хоамо.
Кхетаче чакхйолаш, тӀемахой оагӀув хьаллацарах, царна тӀалаттача декхарех дувцаш дола книжка делар ганза болхлоша ишкола.
