«Бетта хьехамча» хилар Овшанаькъан Танзилайх
Эккажкъонгий-Юртарча № 2 йолча ишкола кулгалхочун гӀонча йола Овшанаькъан Танзила ший балха тӀа белгалъяьлар бӀаьстан тӀехьарча бетта. Из хоам «Сердалога» бир «Бералла наькъаш» яхача ерригача Россе проекта зарбан болх лелабераша.
«Ишкола вахаре хьинаре къахьегарах массанена хьалхашка белгалъяьлар хьехархо. «Кхоанарча вахарера билет» яха ловзар дӀадихьар цо дӀадахача шера, иштта Хайрудина Танзилайга хьалхале йолаш, халкъашта юкъера музея Ди дездеш, «Берашта тӀемах деша вай» яхача ерригача Россе боламе дакъа лаьцар дешархоша. Бераш лорадара Ди долча хана, 50 совгӀа гӀо деш лелараш юкъелаца аьттув баьлар цун», - дийцар тха газетага.
Бехктокхаме, хьинаре къахьегаш хьаярах, Овшанаькъан Танзилайна доккха баркал кхайкаду тахан. «Бералла наькъаш» яхача проекта тоабо, дӀахойодача хана а иштта лакхача боараме къахьегаш дӀаяха, толамаш дахарца белгалъяла даькъалаювц из.
