Суде дӀачуделар зуламхошта гӏо дарах дола гӀулакх
08.10.2025 12:07
Тохкама комитето чакхдаьккхар МагӀалбика кхален Деби-Юртарча 41-шу даьннача вахархочун духьала хьадийлла уголовни гӀулакх. Из бехке ву, ГӏалгӀайче хиннача гӀаьрхой тоабашта цо новкъостал дарах, яхаш, дийцар «Сердало» газетага цу боахаме.
«2023 шера бекарга бетта, маӀача сага царна ший цӀа дӀаденнад, уж машинаца дӀа-юха а кхийлаб. Из бахьан долаш, цар шоай зуламаш леладаьд», - йоах хоамо.
Судо бехкевеш вар цхьан юкъа йолча набахте дӀавигавар. Тохкамхоша деррига тешалаш гул а даь, из гӀулакх дӀадахьийтар суде, цига дӀахо тохкаргдолаш.
Из гӀулакх хьадийллар, ФСБ, МВД моттигерча доакъоша материалаш хьаяйтачул тӀехьагӀа.
