Шоай лоIамагIа цIи йоае оарцагIъухарий тоаба вIашагIйолла лаьрхIад мехка
22.04.2025 11:44
Тайп-тайпарча моттигашка, шоай лоIамагIа цIи йоаеш хургбарий тоабаш вIашагIйохка лаьрхIад мехка. Министерствошца, иштта кхыйолча болх беча моттигашца кхетаченаш дIакхухьаш, цу оагIонцарча балхах дувцаш, ба МЧС къахьегамхой.
Цу гIулакха керттера декхар - дарбанчешка, дешара моттигашка, иштта кхыйолча болх беча моттигашка цIи йоаеш йола тоабаш хилийтар. Цу оагIонцарча болхлоша белгалдечох, ишттача тоабо МЧС болхлой хьатIакхачале цIерцара хатар сихагIа дужадергда, цIи дIа-хьа яржийтаргьяц.
Россе МЧС хьаллоацаш гIулакх да из, уж тоабаш Iомаеш, эггара хьалха де дезараш царна довзийташ болх бу цо. 2023-ча шера № 153 йолча чIоагIонца республикерча Паччахьалкхено соцам баь дIадоладаь беркате гIулакх да из.
