Хургйолча гаьнаша Шолжерча хьун боахама 0,5 гектар лаьтта дӀалаьцад. Кхычахьа дӀайогӀа йиш йолаш, гаьнаш хьахургья царех ши шу даьлча. ХӀанз дӀадийначоа лерттӀа доал дар лоархӀаме да. ДӀадийнача фух хьахургда хетолгаш, царех хьахургья гаьнаш, тӀаккха хьун юкъе а дӀайогӀа йиш хургья уж, - йоах Ӏалама гӀулакхех йолча Министрствос хьабайтача хоамо.

Иштта белгалдоаккх, фун лаьрхӀа дола ги хьун болхлоша шоаш гулдаь хилар, из болх цар баьбар, 2023 шера паччахьалкхено тӀадиллача декхарах. Кийчдаь фу дикала белгалонца хьоахадаьд «Росхьулораяра» ФБУ филиало.

Цул совгӀа, из дика гӀулакх Шолже чакхдаьккха ца Ӏеш, дувцаш дола фу дӀаде лерхӀ Наьсарен кхален хьун боахама лаьтташ тӀа а. ДӀахо дӀайодача хана, лерхӀ цӀеча нажа хетолгаш кхеде а. Из болх, дукха ца говш, дӀаболабергба хьун боахам цӀерах лорабеча Наьсарерча къахьегамхоша.

Гаьнаш вай лаьтта, цун хӀара миӀинг хозъеш йола тамаш я. ГӀалгӀайчен Ӏалам, цун хьунаш, салоӀа моттигаш, сомий бешамаш - из деррига мах баь варгвоаца рузкъа да. Гаьнаш дӀайогӀарца сакъердалуш вола саг, бокъонца вахар дезаденна саг ва.