ГӀалгӀай къаман
юкъара газет

14 эзар тонн хьоари кӀаи дӀадахьийта лерхӀ республикера

14 эзар тонн хьоари кӀаи кхыча мехкашка дӀадахьийта лерхӀ республикера. 3,9 млн США доллар мах болаш ялат да из, ахчанга диллача. Из хоам «Сердалога» бир Мехкадаь зарбан болх лелабераша.

«Республикера ялат кхычахьа дӀакхухьийташ дола гӀулакх, ше хинначул дикка лакхделар 2024-ча шера. Вай ахархоша, юртбоахама гӀулакхех йолча Министерствос хьинаре къахьегарах хьахиннад из деррига.

14 эзар тонн мухь дӀабахьийта лерхӀ вай кхыча мехкашка. Из да хьоари кӀаи. ГуржегӀа, Ираке, Иране кхоачаргда вайцигара цӀена кхедаь ялат», - белгалдир вай Мехкадас Келаматанаькъан Махьмуд-Ӏаьлас, моттигерча АПК оагӀон балхах дувцаш. Цо теркалдир, из лоархӀаме гӀулакх

«Къамашта юкъера коопераци, экспорт» яхача проектага гӀолла дӀахьош долга. Республикера хӀама кхыча моттигашка йохкаро вай экономикан хьал дикка тоаду, цунга хьежжа, из бувзам чӀоагӀбеш, тоабеш къахьегаш ба мехкара хьакимаш.

Мехкадас теркалдир, кастта вай мехкара беркат къамашта юкъерча базара массайолча моттигашка довзаш хургда, аьнна. Белгалде деза, тӀехьарча шерашка вай мехкара юртбоахама хьал тоалуш, дикка айлуш доагӀилга.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде