ГӀалгӀайче, 2030 шерга кхоачаш, хӀара цӀагӀа газ хургья
ГӀалгӀайчен Кулгалхочо Келаматанаькъан Махьмуд-Ӏаьлас, республикан Парламентага ше кхайкарал деш, белгалдир; ГӀалгӀайчен вахара-коммунальни боахама декхараш, де лерхӀаш дар. Из хоам «Сердало» газетага бир ГӀалгӀай Республикан кулгалхочун зарбан болх лелабераша.
«Махьмуд-Ӏаьлас Минэнергонна тӀадиллар, 2030 шерга кхоачаш, республикан хӀара цӀагӀа газ хилийтар», - йоах хоамо.
Мехка, юрташка газ хилийтара хаттар кхоачашдаьд 79%, из программа кхоачашъяра 83% хила еза. Ерригача 45 юрта газ чуйиллай.
Энергетически таронаш ювцаш, Келаматанаькъан Махьмуд-Ӏаьлас белгалдир, электротранспорта лаьрхӀа зарядка еш йола таронаш хьакхоллара проект дӀайолаеш хилар.
Белгалду, ялх шу кхы даьлча, ГӀалгӀайче 10% дукхагӀа хургья электромобилаш. Из бахьан долаш, цу транспорта зарядка ергйола оагӀув вӀашагӀйоллаш я.
