Укх шера, 165 эзар кв. метрага кхоачаш, гӀишлош хьалъе лерхӀ вай мехка
18.07.2025 09:48
Мехкарча хьакимаша шоашта хьалхашка оттадаь декхар да, укх шера 165 эзар кв. метрага кхоачаш гӀишлон балхаш чакхдахар. КӀимарса беттарча 1-ча денга диллача, 100 эзар кв. метрага кхоачаш бола болх чакхбаьннаб, дӀабахьа безача балхах 60% хул из, дӀадахача шера цу хана баьчул 5, 4% дукхагӀа ба из.
87 эзар кв. м баь баьнна болх наьха шоай ахчах беш бар. Тахан белгалдечох, 104 эзар кв. метрага кхоачаш хургба цу оагӀонцара болх.
«Цу балха духьала цхьаккха кхоачамбоацараш гуц тхона укх шера. ДӀахо дӀахьош ба болх боаггӀача боараме», - белгалдир вай мехкадас Келаматанаькъан Махьмуд-Ӏаьлас.
