Сага бокъонаш лораер оарцагӀваьнна, дӀадаьккхар бокъо йоацаш газах хьатеха ахча
27.08.2025 16:10
Кердача Редантера яхархо леткъар сага бокъонаш лораечунга, бокъо йоацача тайпара дукха ахча хьатехад шийна газах, аьнна. Цо белгалдечох, хан-ханнахьа декхар дӀателлашехь, доаца ахча да цун цӀерах оттадаьр. Ше газах ахча дӀатийнна каьхаташ хьагойтар цо.
«Сага бокъонех волча викала ООО «Газпром межрегион Наьсаре» яхача оагӀонга гӀолла дикка хьатехкар из гӀулакх. Тохкама болх дӀабихьачул тӀехьагӀа, газа оагӀон болхлоша хьатеха лаьтта 36 522 сом ахча деррига а тӀера дӀадаьккхар», - дийцар «Сердалога» мехкарча УПЧ.
Белгалде деза, из тайпара хӀама мехкарча бахархошца хьалхара нийслуш доацилга. Сага бокъонех волча викала гӀо дарах, тӀера дӀадаьккхар бокъо йоацаш хьатеха декхар.
