Боксах йолча Европан яхьашка котваьнначунна, ахчан совгӀат делар
13-14 шерга кхаьчача спортсменашта юкъе дӀайихьача Европан яхьашка котваьннача Фаьрганаькъан Хьамзата Мехкадас Къаман ганзера ахчан совгӀат делар. Из хоам «Сердалога» бир спорта гӀулакхех йолча министерствера.
«Министерствон кулгалхочо белгалдир, иштта йолча яхьашка котало яккхар вай спорта лоархӀаме долга. Белхарой Руслана теркалдаьчох, дуккхача кагирхошта дика масал хургда цу гӀулакхах, спортацара бувзам чӀоагӀбара тӀехьа», - йоах «Сердалога» бенача хоамо. Цу дийнахьа ахчан совгӀат денна белгалвир цун тренер Булгучанаькъан Мухьмад а.
Мехка бокс йоаржаеш къахьегарах, грамоташ елар физически культуран цӀихеза болхло волча Булгучанаькъан Тимура, мехкарча тоабан тренер волча Леймой Мухьмада.
Хьалха тха газето хоам баьбар, Фаьрганаькъан Хьамзат 48 кг дозал долчарна юкъе, тӀоарска кулгахйоаллорга дикагӀа вола говзанча ва, аьнна, Боснеи Герцоговинаси белгалваьлга.
