ГIалгIайче баьхка хилар, «Росси-ГIирма. Вай цхьана да» яхача семинара доакъашхой
ГIалгIайчен къам мехкахдаккхара дагалоаттама Мемориала комплексе баьхка хилар, «Росси-ГIирма. Вай цхьана да» яхача денала-эздела семинара доакъашхой. Уж семинараш дIахьош я кхетам балара лоархIаме дакъа санна, вай кагирхошта кIоаргга исторически хьал довзаргдолаш, Даьхенцара безам кхувш йоагIача тIехьен совбоаккхаргболаш .
«Семинара доакъашхоша цхьана дIахьош болча балха чудоагIаш да дешара моттигашка бахар, цига керттера кхетам балара оагIув дIалоацаш къамаьл дар, Даьхен хургдар лорадеш, российски юкъарлон цхьоагIо хилара шоашкара дакъа юкъедахьаш вай кагирхой хилийтара болх царца дIабахьар», - аьлар «Сердало» газетага из болх вIашагIбеллараша.
Мемориала болхлоша хьаьшашта лаьрхIа дика балха кийчо яьяр, исторен оагIонаш хьаеллаш гойтам бар.
Экскурси дIахьош хиннараша нахацара къамаьл дика вIашагIделлар,цар хаттарашта жоп а луш.
