ГӏалгӀайче лоархӀаш я Есенин Сергея поэзи
Цӏихезача поэта Есенин Сергея аргӀанара шу доалаш, цӏаькха а чӀоагӀдир; ГӏалгӀайче цун кхоллам безаш а лоархӀаш а хилар.
Укх деношка поэтически мугӀараш, Есенина лирика хьахозаш яр тайп-тайпара ха яьннача нахагара. Уж дар бераш, кагирхой, доккхагӀа дола ноахал.
Есенин Сергея поэзи яр хозаш Д. Медведева «ЦаӀ йола России» ВПП кулгалхочун Общественни приемне, цига гулбелар единороссера Есенина дош дезараш. Шоаш къамаьл деш, цар белгалдир поэта мугӀараш тахан наха юкъе дахаш, дезаш хилар, бӀаь шу хьалха санна. Цун декача дешай, наьха дегаш сомадоахаш хьахозача дешай мах лакха хилар. Цо дунен тӀа яьккха ха йӀаьха хиннаеце а, цӀаккха наха дицлургдоаца мугӀараш дитар поэта адамашта. Сийрда дар цун вахар.
«Тахан везвеш вар духхьал цӀихеза поэт хинна Ӏац, из бӀарччача бӀаьшерен оаз яр. Есенина байташка цӀенал, халкъ дезаш хилар, Даьхе езаш хилар дар. Цун мугӀараша тахан а, бӀаь шу даьнначул тӀехьагӀа, дог ураоттаду вай, хӀана аьлча дег чура яздаьд уж. Со тешаш ва, поэзи езар, дӀаяха ханаш дагалоаттаярал совгӀа, хургдолчунна бакъахьара кхетам балар да», - аьлар, ше къамаьл деш, гӀалгӀай единороссий кулгалхочо Кхоартой ИбрахӀима.
