Инарал Укуранаькъан Тонта дагалоацаш, ди дӀадихьар
Тахан ГӀалгӀайче дагабехар, инарала Укуранаькъан Новраза Тонтас хьабена сий дола никъ. Из ваь хиннав 1865-ча шера маьтсела бетта 17-ча дийнахьа. Ший тӀема гӀулакх дика дӀадахьарах, дукха орденаш еннай цунна, яхаш, дийцар ГӀалгӀай Республикан Кулгалхочун зарбан болх лелабераша.
«Эрсий императорски эскаре лакхача дарже хиннача пхе гӀалгӀачох цхьанне, дагалоаттама ди дӀахьош да вай. Цун вахара никъ, Хьалхара дунен тӀом, Къилбаседа Кавказе революцен ханаш лаьттача шерашка цо юкъедена дакъа исторен лоархӀаме оагӀонаш хинна Ӏодийшад.
Укуранаькъан Тонта ваьв Хьуле, из кхеваьв майрал, денал долаш; цудухьа дукхача наха масал хинна дӀаэттар. Цо ГӀалгӀайчен юкъарча вахаре, тӀема исторе дитар довзаш хила деза вай ноахал», - аьлар республикан кулгалхочо Келаматанаькъан Махьмуд-Ӏаьлас, ше майрача бӀухочох дувцаш.
Иштта Махьмуд-Ӏаьлас белгалдир, тахан СВО лаьрххӀа йола операци дӀахьоча дукха вай майра бӀухой хилар, цар шоаш денал долаш гойтар, из да Даьхе езаш дола ноахал кхедара дола масал.
Цо белгалдир, вай инаралаш тӀехьа тӀабоагӀарашта бовзийта безилга; цар дӀахо уж дагалоаттабергболаш, цар сий дергдолаш.
